كتبت /خيريه الصباغ الشاعره والصحفيه أسيوط
أنت السبب في المر أللي أنا شارباه
أنت السبب في قتل ضناي
أنت السبب لما جبت المخدرات في البيت
ولما شربت البانجو قدام الواد
أنت السبب لما جبت السلاح في البيت
أنت السبب لما علمت الواد يمسك السلاح
علمته يمسك السلاح قبل الأوان وقبل مايكمل الميعاد
أنت السبب لما علمته كيف يكره الجيران
أنت السبب أنت أللي عملت التار
أنت السبب في أ للي احنا فيه دلوقت
أنت السبب في النار أللي في قلبي وجواي
أنت السبب منك لله حرمتني من ضناي.
أنت السبب حرمت نفسك من ضناك
أنت السبب لما قتلت إبن الجيران
ماحسيتش بيه وبأمه وابوه
طيب دوق دلوقتي المر أللي أنا شارباه
دوق طعم المر أللي سقيته للناس
طيب انا ذنبي ايه في المر أللي أنا شارباه
أنا ذنبي ايه في كل المرار ده دلوقت
أنا ذنبي ايه ولا سلاح إشتريت ولا مخدرات. عطيت
أيه المر أللي شربتهوني وأنت شربته معاي
كفاياك عاد وبعد عني كفاياك عاد
كفاياك وسيب لي باقي الولاد
وكفاية المر أللي أنا شارباه
قوم صلي ركعتين لله
وأستغفر الله يمكن ربنا
يسامحك ويتولاني ويتولاك
